БНХАУ-ЫН АХМАД ДИПЛОМАТУУДЫГ ХҮЛЭЭН АВЧ УУЛЗАВ

Нэмэгдсэн: 2013-08-14

БНХАУ-ЫН АХМАД ДИПЛОМАТУУДЫГ ХҮЛЭЭН АВЧ УУЛЗАВ

 ГХЯ-ны Төрийн нарийн бичгийн дарга Г.Цогтсайхан БНХАУ-аас Монгол Улсад Элчин сайдаар сууж байсан Гао Шумао тэргүүтэй Хятадын ахмад дипломатуудын нийгэмлэгийн төлөөлөгчдийг энэ сарын 7-нд ГХЯ-нд хүлээн авч уулзав.

Уулзалтын үеэр Г.Цогтсайхан Монгол Улс, БНХАУ-ын харилцаа, хамтын ажиллагааг урагшлуулан хөгжүүлэхэд үе үеийн дипломатуудын оруулсан хувь нэмрийг өндрөөр үнэлж байгаагаа тэмдэглээд ахмад дипломатуудын хуримтлуулсан арвин туршлагаас улс орны ирээдүй болсон залуу үеийнхэнд өвлүүлэн сургахын чухлыг онцлон тэмдэглэв.

Хятадын ахмад дипломатууд хоёр орны ГХЯ-д хоорондын хамтын ажиллагааны төлөвлөгөөний дагуу Монгол Улсад айлчилж байгаа бөгөөд айлчлалынхаа хүрээнд Монгол Улсын ГХЯ-ны дэргэдэх Ахмадын хорооны дарга Л.Удвалтай уулзаж хоёр орны ГХЯ-дын ахмадын хороо хоорондын хамтын ажиллагааны талаар санал солилцлоо.

Санал болгож байна
Төрийн байгууллагуудын мэдээлэл