ЭМСЯ-ны Шуурхай удирдлагын төвөөс мэдээлж байна /2014.12.22/

Нэмэгдсэн: 2014-12-22 16:55:53

ЭМСЯ-ны Шуурхай удирдлагын төвөөс мэдээлж байна /2014.12.22/

2014 оны 12 дугаар сарын 22-ны өдрийн 10.00 цагийн байдлаар:

МОНГОЛ УЛСАД:

Хордлогын яаралтай тусламжийн төвд 12 хүн ханджээ

12 дугаар сарын 12-19-ний өдрийг хүртэлх хугацаанд Хордлогын яаралтай тусламжийн төвд 12 хүн хандсан бөгөөд эмийн бодисын хордлогоор 5 хүн, угаарын хийн хордлогоор 7 хүн тус тус ханджээ. Үүнээс 8 хүн хэвтэн эмчлэгдэж, 4 хүн тусламж, үйлчилгээ авсан байна.  

Эх сурвалж: Хордлогын яаралтай тусламжийн төв

ДЭЛХИЙ ДАХИНД:

Дэлхийн ихэнх улсад томуугийн А/H3N2/ вирусээр үүсгэгдсэн томуугийн дэгдэлт илэрч байна

Дэлхийн ихэнх улс орнуудад томуугийн А хүрээний (H3N2) хэвшлийн вирусээр үүсгэгдсэн томуугийн дэгдэлт бүртгэгдэж байгааг ДЭМБ-аас мэдээллээ. Өмнөх долоо хоногт манай улсад ч энэ төрлийн вирус лабораторийн шинжилгээгээр илэрсэн байна.

Эх сурвалж: ДЭМБ

Эбола вируст халдвараар эрүүл мэндийн 649 ажилтан өвчлөөд байна

2014 оны 12 дугаар сарын 17-ны өдрийн байдлаар дэлхийн 9 улсад эбола вируст халдвараар 18669 хүн өвчилж, 6964 (37%) хүн нас барсан байна. 12 дугаар сарын 10-наас хойш өвчний 661 шинэ тохиолдол нэмж бүртгэгдсэн бөгөөд нас баралт 527 хүнээр нэмэгджээ.

Эрүүл мэндийн 649 ажилтан өвчилж, 56% (365) нь нас барсан нь өмнөх мэдээллээс хойш 27 хүнээр нэмэгдсэн байна.

Мөн 12 дугаар сарын 19-ний байдлаар эрчимтэй тархалттай (Гвиней, Либери, Сьерра-Леон) улсуудад 19031 хүн өвчилж, 7373 хүн нас баржээ.

Эх сурвалж: ДЭМБ

Шуурхай удирдлагын төв 

Төрийн байгууллагуудын мэдээлэл