Хэрлэн голын ай сав газрыг цэвэрлэлээ

Нэмэгдсэн: 2013-08-27 14:26:32

Засаг дарга М.Гончигжав 2013 оны 8 дугаар сарын 14-нд Хэрлэн голын ай сав, дивиз, талын толгой орчмын хог хаягдлыг цэвэрлэж дуусгах үүрэг даалгаварыг холбогдох албаны хүмүүст өгөөд байсан. Энэ дагуу ЗДТГ-ын ТХҮХ, Хөдөлмөрийн хэлтэс, “Авто жим” НӨҮГ хамтран 8 дугаар сарын 21-23-ны өдрүүдэд “Эзэнтэй Монгол” хөтөлбөрийн хүрээнд их цэвэрлэгээг зохион байгууллаа. Энэ хугацаанд давхардсан тоогоор нийт 115 иргэнийг түр ажлын байраар хангаж, өдрийн 8 цагаар 12000 төгрөгний цалинтай ажиллуулсан байна. Цалингийн 1,380,000 төгрөгийг Хөдөлмөрийн хэлтэсээс олгосон бөгөөд “Авто жим” НӨҮГ 36м3 буюу 5тн-ы машинаар 2 рейс хогийг төв хогийг цэгт буулгалаа. Цэвэрлэгээг Хэрлэн гүүрний доороос эхлэн Маргад - Өгөөж амралтын газар хүртэл нийт 20 орчим километр газрыг цэвэрлэлээ. Цаашид Хэрлэн голын ай сав орчимд хур хог үүсгэхгүй байхаар сайн дурын идэвхтэй иргэдийг ажиллуулахаар болоод байна.

 

Санал болгож байна
Төрийн байгууллагуудын мэдээлэл