Хууль зүй, дотоод хэргийн сайд С.Бямбацогт 2016 оны 07 дугаар сарын 28-ны өдөр Архивын ерөнхий газрын удирдлагууд, ажилтан, албан хаагчидтай уулзаж, Архивын ерөнхий газар болон түүний бүтцийн нэгжүүдийн үйл ажиллагаатай танилцлаа.
Энэ үеэр Архивын ерөнхий газрын удирдлагууд Хууль зүй, дотоод хэргийн сайдад сүүлийн жилүүдэд хийгдсэн гол ажлууд болон цаашид хийж гүйцэтгэхээр төлөвлөсөн ажлын талаар танилцууллаа.
Сайд С.Бямбацогт ажилтан, албан хаагчидтай уулзаж ярилцан, санал бодлын сонссоны дараа цаашид анхаарч ажиллах ажлын талаар чиглэл өгч, зарим асуудлыг шийдвэрлэх саналаа боловсруулж, танилцуулахыг Архивын ерөнхий газрын удирдлагуудад үүрэг болголоо.